Init ehf. er hugbúnaðarfyrirtæki sem sérhæfir sig í verkefnum fyrir lífeyrissjóði og verkalýðsfélög.
Init þróar, rekur og þjónustar Jóakim sem er útbreiddasta lífeyris- og félagakerfi á Íslandi. Jóakim er boðið í kerfisleigu (ASP) sem er mjög hagkvæmt og öruggt fyrirkomulag. Kerfið byggir á nethögun þar sem vinnsla og gagnagrunnur keyra miðlægt á öflugum miðlurum, sem gerir kerfið auðvelt í rekstri og mjög stækkanlegt. Í miðlægum gagnagrunni kerfisins er almennum upplýsingum eins og þjóðskrá, markaðstölum verðbréfa, gjaldmiðlagengi, vísitölum, vöxtum o.fl. viðhaldið á einum stað og þær eru ávallt aðgengilegar öllum notendum.
Jóakim þjónar helstu þörfum lífeyrissjóða og verkalýðsfélaga, þar með talið iðgjaldainnheimtu, verðbréfavörslu, lífeyrisgreiðslum, sjúkrabótum, styrkjum, orlofshúsaleigu og fleira. Verðbréfakerfið hentar vel í eignastýringu fyrir stærri fjárfesta.