Félagavefur er veflausn fyrir stéttarfélög sem nota Jóakim, upplýsingakerfi sniðið að þörfum stéttarfélaga.
Félagavefur vinnur með gögn úr Jóakim og öll samskipti þar á milli fara fram í rauntíma. Hvert stéttarfélag ákveður hvaða upplýsingar og aðgerðir eru aðgengilegar félagsmönnum þeirra.
Félagsmenn
Félagavefur veitir félagsmönnum stéttarfélaga aðgang að upplýsingum um stöðu þeirra hjá félaginu. Félagsmenn skrá sig inn og hafa möguleika á að skoða iðgjaldasögu sína, punktastöðu og punktasögu, greiðslusögu vegna bóta og styrkja og úthlutunarsögu vegna orlofshúsa. Jafnframt býður félagavefurinn upp á að félagsmenn geti skoðað upplýsingar um stöðu orlofshúsa. Einnig geta félagsmenn sótt um, bókað og greitt fyrir orlofshús með greiðslukorti.
Starfsfólk
Starfsfólk stéttarfélaga hefur starfsmannaaðgang að félagavefnum . Starfsmannaaðgangur gerir þeim kleift að nálgast upplýsingar félagsmanns á félagavefnum með sömu sýn og félagsmaðurinn hefur með sínum aðgangi. Slíkt auðveldar starfsfólki að svara fyrirspurnum félagsmanna og veita þeim aðstoð.
Öryggismál
Félagavefur býður upp á sama gagnaöryggi og netbankar. Innskráning fer fram með kennitölu og lykilorði eða rafrænum skilríkjum. Notkun rafrænna skilríkja fylgir lögum um rafræn viðskipti og aðra rafræna þjónustu. Meðferð kortaupplýsinga og greiðslna á félagavef fer í gegnum örugga þjónustu frá Valitor, sem tryggir að þeim stöðlum og reglum sem gilda þar um sé fylgt.
Helstu þættir eru:
• Iðgjaldasaga
• Áunnin réttindi(orlofspunktar og iðgjöld)
• Yfirlit útgreiðslna vegna styrkja, bóta o.s.frv.
• Yfirlit orlofshúsa
• Umsókn og greiðsla á orlofshúsi
• Bókunarsaga vegna orlofshúsa
• Leigusamningur vegna orlofshúss aðgengilegur leigutaka